गावाची सर्वसाधारण माहिती –

ओंडली ग्रामपंचायत ही इगतपुरी तालुक्यातील एक लहान पण महत्वाची ग्रुप ग्रामपंचायत आहे. ही ग्रामपंचायत वैतरणा धरणाच्या लगत वसलेली असून त्यामुळे गावातील सिंचनाचा प्रश्न बर्‍याच अंशी सुटलेला आहे. गावाचे भौगोलिक क्षेत्रफळ अंदाजे 614 हेक्टर असून, शेजारचे सातुर्ली गाव सुद्धा याच ग्रामपंचायतीच्या कार्यक्षेत्रात येते.

गावाची एकूण लोकसंख्या 1044 असून, त्यामध्ये अनुसूचित जमाती – 410 व अनुसूचित जाती – 60 आहेत. गावातील मुख्य व्यवसाय शेती असून, दुग्ध व्यवसाय व पोल्ट्री व्यवसाय हे पुरक व्यवसाय आहेत. शेतकरी भातशेती हा मुख्य पीक प्रकार म्हणून घेतात. खरिप, रब्बी आणि उन्हाळी हंगामांमध्ये भाज्या व पालेभाज्यांचे पीक घेतले जाते.

गावात दोन अंगणवाड्या कार्यरत आहेत व त्यामध्ये पूर्णवेळ अंगणवाडी सेविका व मदतनीस कार्यरत आहेत. शिक्षणासाठी गावात दोन जिल्हा परिषद शाळा आहेत, ज्या इयत्ता १ ली ते ४ थी पर्यंत वर्ग भरवतात. विद्यार्थ्यांसाठी शाळांमध्ये सोलार युनिट बसवले असल्यामुळे सतत वीजपुरवठा मिळतो.

गावात सध्या आरोग्य संस्था नाही. धार्मिक दृष्टिकोनातून वर्षभर विविध धार्मिक कार्यक्रम व उपक्रम गावात साजरे केले जातात.

ग्रामपंचायतीचा कार्यकारी मंडळात विविध प्रवर्गातील लोकांचे प्रतिनिधित्व असून, सरपंच पदावर अनुसूचित जातीतील सदस्य कार्यरत आहे. ग्रामपंचायतीमध्ये ग्रामसेवक, शिपाई, पाणीपुरवठा कर्मचारी आणि रोजगार सेवक असे कर्मचारी कार्यरत आहेत.

गावाचा परिसर डोंगराळ, सुपीक आणि पावसाळी हवामानासाठी प्रसिद्ध आहे. जवळच ब्रह्मगिरी पर्वत, गोदावरी नदीचा उगमस्थान आणि अनेक धार्मिक तसेच नैसर्गिक स्थळे असल्यामुळे खरोलीचे महत्त्व अधिक आहे.