ग्रामपंचायत कार्यालय बदद्ल माहिती

ग्रामपंचायत माहिती

ओंडली ग्रामपंचायत ही इगतपुरी तालुक्यातील एक लहान पण महत्वाची ग्रुप ग्रामपंचायत आहे. ही ग्रामपंचायत वैतरणा धरणाच्या लगत वसलेली असून त्यामुळे गावातील सिंचनाचा प्रश्न बर्‍याच अंशी सुटलेला आहे. गावाचे भौगोलिक क्षेत्रफळ अंदाजे 614 हेक्टर असून, शेजारचे सातुर्ली गाव सुद्धा याच ग्रामपंचायतीच्या कार्यक्षेत्रात येते. गावाची एकूण लोकसंख्या 1044 असून, त्यामध्ये अनुसूचित जमाती - 410 व अनुसूचित जाती - 60 आहेत. गावातील मुख्य व्यवसाय शेती असून, दुग्ध व्यवसाय व पोल्ट्री व्यवसाय हे पुरक व्यवसाय आहेत. शेतकरी भातशेती हा मुख्य पीक प्रकार म्हणून घेतात. खरिप, रब्बी आणि उन्हाळी हंगामांमध्ये भाज्या व पालेभाज्यांचे पीक घेतले जाते.